"أبجد ...هوز...."....!!!

هاى...انت ياعم اللاعب ..وانت ياعم المُدرب ..بذمتك مش نفسك تبقى مدرب مية
مية ,وكل الناس يقولوا عليك إنك شيخ المُدربين !!!!!!!!
طيب.تعالى معايا ..وحادخلك مدرسة "مُدرب أون لاين " ..آه ديه مدرسة جديدة ,ومش حاقولك بقى ...والله مش عيب ,انت واخدها على أعصابك كده ليه ؟ العملية مش مستاهلة .
انت بس تفتح ودانك ..وتسمع الكلمتين اللى فيهم الشفا .!!!!!!!!!!!!!!!!!!!.
نعم ..لأ طبعاً...الموضوع مش عضلات وبس...لازم يكون نفسك طويل !!!!!!!.
شوف بقى ..انت عارف ان كتير من اللاعيبة بتوع كمال الأجسام ..وعلى فكرة اسمها بناء أجسام ..أصلهم عايزين يوصلوا للكمال ,وانت عارف ان الكمال لله وبس.
المُهم ..بيدربوا بأوزان تقيلة أوى ,وكل ما اللاعب يشيل اوزان اكتر ,يبقى عنده قوة عضلية اكتر .......سامع بقول ايه ...قوة عضلية ..
مش فاهم ايه ؟..حاضر اوضح ياسيدى..ماانت حبيبى ..قوة عضلية يعنى ..كل مازادت قوة اللاعب طبعاً حاتزيد معاها حجم العضلة بتاعته .....لو مش فاهم ..اسأل ..ماتخافش ..ماانا قلتلك انت حبيبى .
فلما العضلة يحصلها انقباض علشان تخرج كل القوة اللى عندها ..يبقى لازم أكبرعدد من أليافها يتحدوا مع بعض ,علشان يقدروا على التقل بتاع الحديد ,وكل مازاد التقل ..زاد الانقباض الل احنا بنقول عليه .....فاهم ..وشوية بودرة على حقنة ديكا ..وياسلام لو جى اتش ...تبقى الدنيا زى الفل ..سنباطى ايه ..ولا كاتلر ايه..ده انت ساعتها اللى فيهم!!!
اما ياحلو لو حاتشيل اوزان خفيفة او متوسطة ..فالالياف بتاعة العضلة ..مش حاتشتغل كلها ..جزء يشتغل ,وجزء يستريح ..ويعملوا مع بعض تناوب ..علشان يقدروا يواصلوا المجهود
.....أصل هنا التكرارات كتير ..مش زى القوة العضلية !!!!
شوفت بقى ان فيه فرق !! يبقى "تمرين الضغط " جلد عضلى ..ولا قوة عضلية ؟